- CAESARAUGUSTA
- CAESARAUGUSTAHispaniae Tarraconensis civitas, Augusta Caesarea Ptolemaeo ac Straboni, ab Augusto ad Iberi amnis ripam eô locô fundata, quo Subduba oppid. antea situm erat. Haec Prudentii Poetae patria fuit, hodie autem Saragoza dicitur. longitud. 20. 20. latitud. 42. 30. Aragoniae primaria est, Archiepiscopalis cum ponte ad Iberum fluv. Academiâ insignis. Deficit in dies. Regum Aragoniae olim sedes, et iuxta illam Iberus fluv. recipit Guervam et Gallaecum amnes, 48. leuc. Hispan. a Valentia, 46. a Barcinone, a Burgis 42. Toleto 54. ab Herda in Circium 20. 10. ab Huesca in Occasum, 12. a Bilili in ortum 14. A Turiazone in Eurum Baudrand. In planitie sedet amoenissima. Templum ibi celebre, Nostra Sennora del Pilar, suprema Curia, etc. Hîc Concilium A. C. 381. quô Priscillianus condemnatus est, cum sectatoribus suis, quorum tum ingens in Hispania numerus. Porro A. C. 516. 592. 691. Prudentius in perist. Hymn. 7. v. 3.Caesaraugustam vocitamus urbem,Res cui tanta est.
Hofmann J. Lexicon universale. 1698.